Arnaıy ekonomıkalyq aımaqty qurý tujyrymdamasyn
resimdeýge qoıylatyn talaptardy bekitý týraly
«Qazaqstan Respýblıkasyndaǵy arnaıy ekonomıkalyq aımaqtar týraly» 2011 jylǵy 21 shildedegi Qazaqstan Respýblıkasynyń Zańy 7-babynyń 1-tarmaǵyna sáıkes buıyramyn:
1. Qosa berilip otyrǵan Arnaıy ekonomıkalyq aımaqty qurý tujyrymdamasyn resimdeýge qoıylatyn talaptar bekitilsin.
2. Qazaqstan Respýblıkasy Investısııalar jáne damý mınıstrliginiń Investısııalar komıtetine (E.Q. Haırov):
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmesin kúntizbelik on kún ishinde merzimdi baspa basylymdaryna jáne Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵynyń» sharýashylyq júrgizý quqyǵyndaǵy respýblıkalyq memlekettik kásiporny «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetti usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Ivestısııalar jáne damý vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstri Á.ISEKEShEV
Qazaqstan Respýblıkasy Investısııalar jáne damý mınıstriniń
2015 jylǵy 27 aqpandaǵy №222 buıryǵymen bekitilgen
Arnaıy ekonomıkalyq aımaqty qurý tujyrymdamasyn resimdeýge qoıylatyn talaptar
1. Jalpy erejeler
1. Osy Arnaıy ekonomıkalyq aımaqty qurý tujyrymdamasyn resimdeýge qoıylatyn talaptar «Qazaqstan Respýblıkasyndaǵy arnaıy ekonomıkalyq aımaqtar týraly» Qazaqstan Respýblıkasynyń 2011 jylǵy 21 shildedegi Zańynyń 7-babynyń 1-tarmaǵyna sáıkes ázirlendi jáne arnaıy ekonomıkalyq aımaqty (budan ári - AEA) qurýǵa múddeli ortalyq jáne jergilikti atqarýshy organdar, zańdy tulǵalar AEA qurý tujyrymdamasyn ázirleý kezinde paıdalanady.
2. AEA qurý tujyrymdamasyn resimdeý myna talaptarǵa sáıkes bolýy tıis: qurý maqsatynyń mazmuny, ornalasqan jeri, qyzmetiniń basym túrleri, AEA-nyń áleýetti qatysýshylary týraly aqparat, tıisti óńirdiń aǵymdaǵy ekonomıkalyq ahýalyn jáne AEA qurýdyń ekonomıkaǵa boljamdy áserin taldaý sııaqty málimetterdi qamtıdy.
2. Tujyrymdamanyń qurylymy
3. Tujyrymdamanyń qurylymy mynadaı bólimderdi qamtıdy:
1) kirispe;
2) AEA-nyń geografııalyq ornalasýy;
3) AEA qurý maqsattary men mindetteri;
4) óńirdiń aǵymdaǵy ekonomıkalyq ahýalyn jáne álemdik ekonomıkany taldaý;
5) AEA qyzmetiniń basym túrleri;
6) AEA-ǵa áleýetti qatysýshylar;
7) AEA qurýdyń óńir ekonomıkasyna oń áseri.
4. «Kirispe» degen bólimde AEA-nyń ataýy men AEA qurý negizdemesi sıpattalady.
5. «AEA-nyń geografııalyq ornalasýy» degen bólimde ornalasqan jerdiń alańy jáne 1:20000 jáne 1:100000 aýqymda AEA qurý josparlanatyn jer ýchaskeleriniń jaǵdaıyn sıpattaıtyn kartografııalyq shemalar kórinis tabady.
6. «AEA qurý maqsattary men mindetteri» degen bólimde AEA-nyń geografııalyq jaǵdaıymen, qolda bar tabıǵı jáne eńbek resýrstarymen, sheteldik ınvestorlardyń yqtımal múddelerimen jáne AEA-ny damytý úshin qajetti ekonomıkalyq, áleýmettik jáne geografııalyq faktorlarmen baılanystyrylǵan, qurylatyn AEA-nyń maqsattary men mindetteri kórsetiledi.
7. «О́ńirdiń aǵymdaǵy ekonomıkalyq ahýalyn jáne álemdik ekonomıkany taldaý» degen bólimde mynalar kórsetiledi:
1) AEA qurý boljanǵan óńirdiń negizgi áleýmettik-ekonomıkalyq erekshelikteri;
2) ınfraqurylymmen qamtamasyz etilgendigi, ınvestısııalyq quramdas bólikteri jáne AEA-nyń boljamdy ornalasatyn jerin sıpattaıtyn ózge de kórsetkishteri;
3) basym qyzmet túrleri boıynsha óńir salasynyń aǵymdaǵy jaı-kúıin taldaý;
4) qurylatyn AEA qyzmetiniń basym túrlerimen baılanystyra otyryp, álemdik ekonomıkanyń aǵymdaǵy jaı-kúıin taldaý;
5) AEA-ny ornalastyrýdyń negizgi alǵysharttary men óńirdiń básekelestik geografııalyq jáne ekonomıkalyq artyqshylyqtary.
8. «AEA qyzmetiniń basym túrleri» degen bólimde AEA aýmaǵynda júzege asyrylatyn AEA-ny qurý maqsattaryna saı keletin qyzmettiń negizgi túrleri kórsetiledi.
Bul bólimde AEA aýmaǵyndaǵy osy nemese ózge de qyzmetti júzege asyrý oryndylyǵynyń naqty negizdemeleri keltiriledi.
9. «AEA-nyń áleýetti qatysýshylary» degen bólimde AEA aýmaǵynda qyzmetti júzege asyrýǵa úmitker uıymdardyń uıymdyq-quqyqtyq nysany, sondaı-aq menshikti óndirisiniń, qyzmettiń basym túrleri boıynsha jumys tájirıbesiniń bolýy kórsetiledi.
10. «AEA qurýdyń óńir ekonomıkasyna oń áseri» degen bólimde AEA-nyń jumys isteýiniń boljamdy nátıjeleri jazylady.
Bul nátıjeler AEA qurý maqsatyna qol jetkizý nátıjeleri jáne AEA qurý boljanǵan aýmaqtaǵy óńirdiń ereksheligi negizge alyna otyryp, jazylady.
Buıryq Qazaqstan Respýblıkasynyń Ádilet mınıstrliginde 2015 jylǵy 10 sáýirde Normatıvtik quqyqtyq kesimderdi memlekettik tirkeýdiń tizilimine №10692 bolyp engizildi.